 |
|
|
Iholmane skiftar karakter
Ytst i Bjoafjordan finn du Ilholmane, to små skogkledde øyar med nokre mindre holmar og skjer ikring. I desse dagar vert desse fugleholmane tilbakeførte til ein meir naturleg karakter. Sitkagrana skal bort, og graskledde knausar skal fram i lyset.
Ilholmane har status som sjøfuglreservat, med ilandstigningsforbod frå 15. april til 1. august. Og det er for sjøfuglane at dette tiltaket er sett i verk. Sjøfuglbestanden i området har hatt stor tilbakegong, og no håpar ein at bestanden skal ta seg opp att, når fuglane får meir optimale vilkår. Det er Direktoratet for naturforvaltning og Fylkesmannen i Rogaland som har sett i gong tiltaket.
Det gir unekteleg eit spesielt inntrykk å sjå store maskinar i arbeid på desse små holmane og endra karakteren deira så tydeleg.
|
|
|
|
|
